ہمارے مشورے
جب پین جل جائے اور کالک نہ جائے تو اس کو رات بھر پانی اور سفید سرکہ کے ساتھ رکھ دیں پھر بیکنگ سوڈا کے ساتھ دھو لیں نیا جیسا ہوجائے گا۔
پنکھے کی صفائی :پنکھا صاف کرنا مسئلہ ہوتا ہے اس کا حل ہے آپ ایک بیگ بنا لیں اس کو پنکھے کے پروں پر چڑھا کر اتاریں ڈسٹ اندر رہ جائے گی ساتھ میں پنکھا بھی صاف ہوگا۔
سلور کی چیزوں کی صفائی : ایک برتن میں جس میں نمک اور بیکنگ سوڈا ہم وزن ہوں اس میں سلور کی چیزیں ڈال دیں پھر اس کو ایک گھنٹہ چھوڑ دیں اس کے بعد جب صاف کریں گے تو وہ چمکدار نکلیں گے۔
گرائنڈر کی صفائی :بیکنگ سوڈا ڈال کر گرائنڈر کو کچھ منٹ چلائیں اس کی اندر سے نا صرف صفائی ہوگی بلکہ کٹر بھی شارپ ہوجائیں گے۔
گھر کی صفائی :گھر میں دن کے اوقات میں زیادہ ڈسٹ آتی ہے جب باہر کوئی جھاڑو دے رہا ہو اس کا بھی علاج ہے ہمارے پاس۔ ایک برتن میں کھانے کا سوڈا اور پانی ملا کر رکھ لیں تولیہ کو سی کر ہاتھ کے سائز کا ایک موزہ جیسا بنا لیں پھر اس کو پانی سے نم کر کے گھر کی صفائی کریں دیکھیں ڈسٹ کیسے نہیں جاتی؟ یہ زیادہ اچھا ہے شیشہ کی کھڑکیوں کی صفائی کے لے
گارپیٹ پر داغ : اگر کارپیٹ پر داغ لگ جائے تو پریشان نہ ہوں ایک استری جو کہ بھاپ والی ہو اس میں پانی و سرکہ ملا کر ڈال دیں اور تولیہ رکھ کر کارپیٹ پر استری کریں جب تک داغ ختم نہ ہوں۔ دیکھیں انشاءاللہ داغ ختم ہوجائیں گے۔
سنک و واش بیسن کو صاف کرنے کا طریقہ : پانی روک کر اس میں سرکہ ملا کر رکاوٹ نکاسی کی ہٹا دیں دیکھیں کہ آپ کا سنک بغیر کسی جسمانی مشقت کے فورا کھل جائے گا۔
کھانے پکانے میں مشکلات : آپ کو کھانا پکانا نہیں آتا اور بار بار کتاب دیکھنا پڑ رہا ہے تو آسان سا حل موجود ہے ایک ہینگر لیں جس میں کلپ ہوتے ہیں کتاب کو اس میں ہینگ کرلیں جس طرح کپڑے کرتے ہیں اور نزدیک ہی جہاں آپ کو آسانی ہو لٹکا لیں تاکہ بار بار صفحہ نہ پلٹنا پڑے نہ بار بار بھاگ بھاگ کر کتاب تک جانا پڑے۔
موبائل اسٹینڈ ؛ موبائل اسٹینڈ خریدنا آسان کام نہیں ھم جانتے ہیں وہ کتنا مہنگا ہوتا ہے کم سے کم قیمت بھی سو سے اوپر ہی ہوتی ہے آئیں ہم آسان سا حل بتاتے ہیں۔ پیپر رول کا اندر کا رول نکال لیں اس کے اوپردو پیپر پن لگائیں اس طرح کے دونو ایک لائن میں اور تھوڑے سے فاصلے سے ہوں اور اسی طرح تقریبا ایک انچ کے فاصلے سے دوبارہ پن لگا لیں اب درمیان سے ایک آدھے انچ کا کٹ لگائیں (یہ دوسری سمت ہو، نا کہ پن کے ساتھ ساتھ ہو) اب اس کٹ کو تقریبا اپنے فون کی باڈی کے مطابق کاٹیں مگر خیال رہے کہ یہ تقریبا آدھا انچ چوڑا ہو۔ اس ہولڈر میں موبائل رکھ کر انجوائے کریں اگر آپ مناسب سمجھیں تو اس رول کو کسی خوبصورت پرنٹڈ کپڑے سے کور کر کے اس کے کنارے سفید ٹرانسپیرنٹ ٹیپ سے جوڑ دیں اس طرح یہ ہولڈر دیدہ زیب بھی ہوجائے گا۔
چیزوں کو محفوظ کرنا: اپنی بکھری ہوئی چیزوں کو محفوظ کرنے کے آسان طریقوں میں سے ایک طریقہ ہم سے جان لیں۔ ایک ڈبے میں پیپر رول کے اندر کے رولز رکھ لیں ان رولز میں اپنے ڈیٹا کیبل ، چارجر ، اور الیکٹرک سامان بحفاظت اور بچوں سے دور رکھ سکتی ہیں۔
کافی کو محفوظ رکھیں: کافی بناتے وقت کافی بہت کڑوی ہوجائے تو پریشان نہ ہوں ضائع بھی نہ کریں اپنی آئس ٹرے نکالیں اس میں ایک کپ یا آدھا کپ جتنی آپ کو ضرورت ہے وہ نکال لیں باقی اس میں ڈال کر فریز کرلیں اور جو آپ نے بچا لی ہے پانی ابال کر اس میں ملا لیں ۔
اب جس وقت آپ کو دل چاہے نکال کر پانی ابال کر اس میں ڈال کر برتن ڈھک کر رکھ دیں چند سیکنڈ میں مزیدار کافی تیار ہوگی۔
ابلے انڈے : انڈے ابالنا مسئلہ ہوتے ہیں اکثر صحیح چھلکا نہ اترے تو آپ کو باتیں سننے کو ملتی ہیں اس کا حل ہے جب انڈے ابالنے رکھیں ساتھ میں تھوڑا سا کھانے کا سوڈا ڈال دیں جب چھلکا اتاریں گے آسانی سے اترے گا۔
ہنگر کم ہیں: اکثر سننے میں آتا ہے کپڑے بہت ہوگئے ہیں جگہ کم ہے ٹانگنے کی۔حل ہم پیش کئے دیتے ہین جب آپ کین سے کولڈ ڈرنک پیئں تو خیال رکھیں اس کا ڈھکن پھینکیں نہیں بلکہ اس کو سنبھال کر رکھیں اس کو ہینگر میں ڈال لیں اور دوسرے ہینگر کو اس میں ہینگ کرلیں جگہ کم مگر ہنگر بہت استعمال کر سکتی ہیں۔
ڈست بن کی حفاظت : اپنی ڈسٹ بن میں شاپر چڑھا لیں ساتھ میں شاپر کے اندر نیچے اخبار بچھا دیں تاکہ اگر کوئی گیلی چیز ڈالیں تو نیچے موجود اخبار میں اس کی نمی جذب ہوجائے۔
شربت کی تازگی : گھر میں مہمان ہوں اور شربت گرم ہوجانے کا خطرہ ہو تو ایک گلاس میں بہت سی برف کوٹ کر یاپھر کیوبز کی شکل میں ڈال دین اور اس کو شربت یا کولڈ درنک میں رکھ دیں یہ کافی دیر تک ٹھنڈا رہے گا۔
آسان آئس کریم بنانے کا طریقہ: ایک بیگ لے لیں پلاسٹک کا جس میں جوس ڈال لیں اس طرح بند کریں کہ ہوا ختم ہوجائے بیگ سے اب ایک اور پلاسٹک بیگ لیں اس میں آئس کیوب ڈال لیں اس کے اوپر بہت سا نمک ڈالیں اب جوس والا پلاسٹک بیگ اس میں رکھ کر اچھی طرح ہلائیں تقریبا ۰۳ سے ۰۶ منٹ ۔ اگر ہاتھ پر ٹھنڈک زیادہ محسوس ہو تو تولیہ سے پکڑ کر اس کو ہلائیں تقریبا ۰۶ منٹ بعد جوس کا بیگ نکال کر ایک کپ میں اس کو نکال لیں اور آسان طریقہ سے تیار شدہ آئس کریم استعمال کریں ۔
ہونٹوں کی سرخی: اگر ہونٹ سفید ہوں تو ان کو سرخ کرنے کیلئے انار کا استعمال بڑھا دیں اس طرح خون بھی صاف ہوگا اور ہونٹوں پر بھی رونق ہوگی۔
جھریاں و چھائیاں دور کریں: اپنے چہرے پر موجود جھریوں و چھائیوں سے نجات پائیں تاکہ عمر سے کم نظر آئیں۔ رات سوتے وقت کروے بادام کا تیل لیں اس سے مساج کریں اس طرح کے ہاتھوں کا رخ نیچے سے اوپر کی جانب ہو۔ رخساروں پر دائروں کی شکل میں ہاتھوں کی پوروں سے مساج کریں پندرہ منٹ کے بعد ٹھنڈے پانی کے چھینٹے مار کر چہرہ خشک کرلیں۔ ہاتھ منہ دھونے کے بعد اگر پانی میں چند قطرے لیموں کا جوس و ٹنکچر بزئن سنپل ملا کر اگر چہرہ تھپتھپا لیں تو اور اچھا رزلٹ آئے گا۔
خون کی کمی کی بیماری میں شفا: اگر ہر روز صبح میں گریپ فروٹ کھائیں تو اطمینان رکھیں کہ جسم کی صفائی ہوگی۔
دالیں محفوظ رکھیں: اکثر دالیں رکھتے ہوئے ڈبے میں جگہ کم ہوجاتی ہے اور اجناس زیادہ تو اس کا حل ہے ۔ آپ بوتل کی گردن سے بوتل کاٹ لیں اب اس کے اندر سے تھیلی کو نکالیں جہاں تک آسکے پھر اس کو باہر کر کے بوتل کا منہ اس طرح بند کر دیں کہ لگے بوتل کے سر پر ڈھکنا لگا ہوا ہے۔
کیل مہاسے اور ان کا توڑ : کیل مہاسے گرمیوں کا تحفہ ہوتے ہیں چکنی جلد والوں کیلئے۔ اس کا حل یہ ہے کہ ایک پیالے میں پانی بھر کر فرج میں رکھ دیں ۰۲ منٹ تک پھر اس پانی میں کچھ دیر اپنا چہرہ ڈبوئیں اس طرح کئی روز کریں انشاءاللہ نجات مل جائے گی۔
چہرے پر نکلنے والے دانوں پر بار بار ہاتھ نہ پھیریں ، پانی زیادہ پئیں ، میک اپ کم سے کم کریں ، دانوں کو ہاتھ سے نہ پھوڑیں اس طرح انفیکشن کا خطرہ ہوتا ہے جس کے بعد داغ بن جاتا ہے۔
ہاتھوں کی جلد کو نرم و اچھا رکھنے کیلئے چند قطرے عرق گلاب ، ایک چائے کا چمچ بالائی اور تھوڑا سا شہد ملا کر ہاتھوں پر مساج اس طرح کریں کہ انگلیوں سے مساج ہتھیلی کی پشت پر ہو اور انگوٹھے سے کف دست پر۔ اس طرح نا صرف ہاتھوں میں نرمی آئے گی بلکہ تھکن بھی اترے گی۔